Hjartans mál: hjarta- og æðasjúkdómar kvenna


Hádegisfyrirlestrar Fjölheima hefjast aftur fimmtudaginn 24.september næstkomandi kl.12:10 - 12:50.

Í þetta skipti koma til okkar hjúkrunarfræðingar sem útskrifuðust frá Háskólanum á Akureyri sl. vor og skrifuðu um mjög áhugavert málefni í lokaverkefni sínu, hjarta- og æðasjúkdóma.

Hjarta- og æðasjúkdómar eru ein helsta dánarorsök karla og kvenna í heiminum í dag. Í rannsókn þeirra var aðallega fjallað um kransæðastíflu og megin áhersla lögð á konur með kransæðastíflu en í gegnum tíðina hefur athyglinni verið beint frekar að körlum. Ástæður þess eru m.a. taldar vera að konur greinast seinna á lífsskeiðinu og birtingarmyndir einkenna þeirra eru oft óljósari. Hugmyndin að verkefninu kviknaði eftir að íslensk kona, á besta aldri, lést af völdum kransæðastíflu.

Í erindinu munu hjúkrunarfræðingarnir Gerður Sif Skúladóttir, Jóna Sif Leifsdóttir, Kristjana Sigurveig Sveinsdóttir og Sunna Björg Bjarnadóttir kynna helstu niðurstöður verkefnisins.

Sem fyrr verður Birta með léttan hádegisverð til sölu á vægu verði og því eru þáttakendur beðnir að skrá sig með tölvupósti á fjolheimar@gmail.com eða í síma 560 2030.

Nýtt efni
Eldra efni
Skjalasafn
Leit
No tags yet.